Poliisi esambaze amawulire agali mu kusasaanira emikutu migata bantu (Social media) n’okusingira ddala ogwa Face Book nti omukyala munnakisinde kya ‘People Power’ Ritah Nabukenya ali mu gy’obukulu 28 atomeddwa emmotoka ya Poliisi ekivuddeko okufa kwe.
Amawulire, gabadde galaga nti Nabukenya atomeddwa emmotoka ya Poliisi okumpi n’akatale k’e Nakawa era akutukidde mu ddwaaliro ekkulu e Mulago ku ssaawa 5 ez’okumakya.
Wabula amyuka omwogezi wa Poliisi mu Kampala n’emirirwano Luke Owoyesigyire, Nabukenya okufa, kivudde ku bodaboda namba UEY 765P ebadde eyagala okuyisa emmotoka ya Poliisi namba UP 4841 okuyingirira bodaboda endala.
Nabukenya nga mutuuze we Bunamwaya abadde ku bodaboda (UEY 765P) era agudde wansi ng’afunye ebisago ebyamaanyi ne bamuduusa e Mulago gyafiiridde.
Owoyesigyire agamba nti Poliisi y’e Jinja etandiise okunoonyereza era bagenda kweyambisa kkamera okuzuula ebisingawo.
Eddoboozi lya Luke
