Akakiiko k’ebyokulonda kakoze enkyukakyuka ku nnaku z’okuwandisizaako abantu abegwanyiza obukulembeze bw’eggwanga lino n’okukiika mu Palamenti
Mu kusooka, ssentebbe w’akakiiko k’ebyokulonda omulamuzi Simon Byabakama, yategeeza eggwanga nti bakuwandiika abanavuganya ku bukulembeze bw’eggwanga nga 12, August, 2020 ate bawandiike abaagala okukiika mu Palamenti n’okutandiika nga 20, August, 2020.
Wabula enkya ya leero, ssentebbe Byabakama abadde mu kakiiko ka Palamenti ak’ebyemateeka n’ensonga za Palamenti kwe kutegeeza nti bakoze enkyukakyuka z’okuwandisizaako abegwanyiza obukulembeze.
Byabakama abikudde ekyama nti bakuwandika abegwanyisa entebe y’obukulembeze bw’eggwanga nga 1 ne 2, October, 2020 ate abesuunga okukiika mu Palamenti, bakuwandisibwa nga 7 ne 8, October, 2020.
