Amazima, gakulukuse abayizi b’essomero lya Nakaloke Islamic Secondary School mu Tawuni Kanzo y’e Nakaloke mu disitulikiti y’e Mbale, omuliro bwe gusanyizaawo ekimu ku kizimbe omusula abayizi.
Omuliro, gutandiise ku ssaawa 12 ez’okumakya era ekisulo ekiyidde, kiri kumpi n’omuzikiti ogwa Nakaloke Center Mosque oguli mu kuzimbibwa.
Ebintu by’abayizi byonna biweddewo nga bifuuse vvu, omuli ebitabo, emifaliso, engoye ssaako n’ebintu ebirala.
Ekizimbe ekiyidde kye kimu, ekyakwata omuliro omwaka oguwedde mu Gwomusanvu, 2019.
Okusinzira ku mwogezi wa Poliisi mu bitundu bye Elgon, John Robert Tukei, tewali mwana yenna alumiziddwa.
Poliisi etandise okunoonyereza ekivuddeko omuliro ogwo.
