Poliisi mu ggwanga erya Nigeria mu ssaaza lye River ekutte omukyala Esther Emmanuel myaka 24 ku misango gy’okusobya ku mwana wa mukama we myaka 4 gyoka.
Omukyala Emmanuel munnansi wa Canada era abadde yakagya mu Nigeria emyezi 3 ng’omukozi w’awaka.
Okukwattibwa, kyavudde ku bazadde okuddusa omwana mu ddwaaliro ng’alumizibwa ebitundu by’ekyama era mu ddwaaliro, omwana yasobodde okuteegeza omusawo embeera gy’abadde ayisibwamu.
Omwana agamba nti omukozi, abadde amutwala mu kisenge kye buli lunnaku okumusobyako ate bw’aba amunaaza, amukwatirira ebitundu by’ekyama.
Mungeri y’emu agambye nti omukozi yali yamusuubiza, okumusalako ebitundu by’ekyama singa ategezaako bazadde be.
Amangu ddala abazadde baddukide ku Poliisi era omukozi akwattiddwa ate omwana, awereddwa ekitanda ng’ali mu mbeera mbi kuba alumizibwa ebitundu by’ekyama ssaako n’okuvaamu amasira.
