Omuyimbi Bebe Cool alaze lwaki muyimbi munne Bobi Wine ali mu buzibu mu kiseera kino era essaawa yonna bayinza okumuzaayo mu kkomera.
Bebe Cool agamba nti agenda kuddamu okutambula mu bantu okunoonyeza Pulezidenti Yoweri Kaguta Museveni akalulu mu kulonda kwa 2021 era tasuubira Poliisi kumulemesa.
Agamba nti Bobi Wine asukkiridde okumenya amateeka g’okulwanyisa Covid-19 kuba kati akuba laale mu kunoonya akalulu kyokka Poliisi eremeddwa okumukwata.
Nga wasigadde ennaku 36 zokka bannayuganda okulonda Pulezidenti waabwe nga 14, Janwali, 2021, Bebe Cool agamba nti agenda kudda mu bantu era singa akwattibwa, ne Bobi Wine balina okumukwata ku by’okung’anya abantu, “I am very sure that if the police come for me for holding processions, the next person behind me is Bobi Wine“.
Mungeri y’emu agambye nti wadde okung’anya abantu kimenya amateeka mu kulwanyisa covid-19, Bobi Wine ye amenya n’amateeka g’akakiiko k’ebyokulonda, “As for me, I am only breaking the Ministry of Health SOPs. For Bobi Wine, he is breaking the EC guidelines as well“
