Ab’ekitongole ekisolooza omusolo mu gwanga ekya Uganda Revenue Authority (URA) mu bitundu bye Namayingo nga bali wamu n’ekitongole ekya Poliisi, bali mu kunoonya ddereeva, abadde akulembeddemu okukusa omuceere.
Aba URA bakutte emmotoka ekika kya ttipa Elfu nnamba UAV 664 nga ddereeva yenyigidde mu kukusa ttani z’omuceere 2.4.
Ensawo z’omuceere abadde azibiseeko omusenyu ku ngulu okulowoozesa abalabi nti abadde atwala musenyu.
Ddereeva bamukwatidde mu tawuni Kanso y’e Nankoma kyokka asobodde okubuuka mu mmotoka okudduka oluvanyuma lw’okutegeera nti bamuguddemu.
Emmotoka etwaliddwa ku Poliisi y’e Namayingo era okumunoonya kuli mu ggiya nnene.
Ebirala ebifa mu ggwanga – https://www.youtube.com/watch?v=aLgAf7Ly04U