Abantu 6 bafiiridde mu kabenje akagudde mu lutobazi e Mpambire ku luguudo oluva e Kampala okudda e Masaka, nga wasigadde mayiro nga 3 okutuuka mu kibuga ky’empigi.
Tuleera okuva mu ggwanga erya Tanzania eyingiridde emmotoka ekika Toyota Premio namba UAZ 417D era bonna abagibaddemu bafiiriddewo ku ssaawa nga 12 ez’okumakya.
Abafudde kuliko Hajji Abdullah Muwonge, 54 okuva e Nyamitanga mu disitulikiti y’e Mbarara, Isaac Kawooya abadde RDC we Koboko, Anasipasi Mukakamali, 66 ne Christine Aharizira, 25 okuva e Mutojo mu disitulikiti y’e Ntungamo.
Abalala abafudde kuliko Manusulu Semanda okuva e Kakoba mu disitulikiti y’e Mbarara n’omwana myaka 5 atategeerekese bimukwatako.
Poliisi etandiise okunoonyereza ekivuddeko akabenje era egimu ku mirambo, batekateeka kugitwala mu ggwanika ly’eddwaaliro ekkulu e Mulago.
