Essanyu libugaanye bannansi mu ggwanga erya Bungereza olw’Omulangira Harry omu ku batabani b’omumbejja Diana okuzaala Omulangira.
Meghan Markle eyali omuzannyi wa firimu mu Amerika n’afumbirwa Harry ekyamuleetera okufuna ekitiibwa kya Duchess of Sussex, yazadde olunnaku olw’eggulo ku Mmande nga 6, May, 2019 ku ssaawa 5:26am.
Kigambibwa Harry ye yetwalidde mukyala we Meghan mu ddwaaliro okuzaala era ye yafulumye n’ayogera eri bannamawulire wabweru w’eddwaaliro nti Obwakabaka bwa Bungereza bufunye omulangira era oluvanyuma n’obwa Kabaka bwa Bungereza bw’alangiridde eri ensi mu butongole, “We are pleased to announce that Their Royal Highnesses The Duke and Duchess of Sussex welcomed their firstborn child in the early morning on May 6th, 2019. Their Royal Highnesses’ son weighs 7lbs. 3oz. The Duchess and baby are both healthy and well, and the couple thank members of the public for their shared excitement and support during this very special time in their lives“.
Obubaka bw’omulangira, Harry yasoose kubuteeka ku mukutu gwe ogwa Instagram era ng’omukutu ogwo gwabadde gwakaggulwawo kyokka gwafunye abantu abaabadde baagala okumanya amawulire bayitiririvu ku nsonga y’okuzaala omulangira.
Harry yabaddewo mu ddwaaliro, okuzaamu omukyala amaanyi okusindiika Omulangira.
