ABATUUZE ku kyalo Matugga ekisangibwa mu ggombolola y’e Gombe mu disitulikiti y’e Wakiso baguddemu ekikangabwa omusajja Nicholas Tumulamye myaka 23 bw’akakanye ku muganzi we Hellen Kaayi myaka 21 n’amusalako obulago.
Omulambo gwa Kaayi gusangiddwa mu kazigo mw’abadde asula ne bba Tumulamye mu kitaba ky’omusaayi.
Abamu ku batuuze bagamba nti Tumulamye abadde alumiriza Kaayi obwenzi era kiteeberezebwa y’emu ku nsonga lwaki amusse n’adduka.
Poliisi etandiise okunoonyereza ate omulambo gutwaliddwa mu ggwanika ly’eddwaaliro e Mulago okwekebejjebwa.
Wabula abatuuze balidde obuwuka era bataddewo emitwalo 50 eri omuntu yenna eyinza okubatuusa ku Tumulamye.
Ate mukulu w’omugenzi, Rose Ssekki alambuludde ku mbeera eyo.
