Poliisi y’e Rubanda ekutte ssemaka myaka 64 ku by’okusobya ku muzukkulu we myaka 5.
Karirengye Edward omutuuze ku kyalo Mushunga cell mu ggombolola y’e Nyamweru mu disitulikiti y’e Rubanda yakwattiddwa oluvanyuma lwa muzukkulu we okukaaba n’okulemesa nnyina okumunaaza ebitundu by’ekyama olw’obulumi.
Kigambibwa nga 5, May, 2019 ku ssaawa ttaano (5) ez’emisana, Karirengye yali asigadde awaka yekka n’omuzukkulu, kwekweyambisa omukisa ogwo, okumusobyako, maama w’omwana bwe yali atambuddeko.
Okusinzira ku mwogezi wa Poliisi mu bitundu bye Kigezi Elly Maate, alipoota y’abasawo eraga nti omuzukkulu yasobezeddwako.
Maate akakasiza nti Karirengye akwattiddwa okuyambako Poliisi mu kunoonyereza ku musango gw’okujjula ebitanajja.
