Poliisi y’e Kabale ekutte omusajja myaka 25 ku by’okutta ssemaka Kabukara Karawudi myaka 43.
Sebastian Muhwezi omutuuze ku kyalo Butare cell mu ggombolola y’e Muhanga mu disitulikiti y’e Kabale, yakwattiddwa.
Okusinzira ku mwogezi wa Poliisi mu bitundu bye Kigezi, Elly Maate, Muhwezi yalumbye ssemaka Kabukara mu makaage akawungeezi k’olunnaku olwa Ssande era wakati mu kuwanyisiganya ebigambo ku nsonga ezitamanyiddwa, Muhwezi yakutte omuggo nawutula ssemaka mu kifuba, ekivuddeko okufa kwe.
Maate agamba nti omulambo gwa ssemaka Kabukara gutwaliddwa mu ggwanika ly’eddwaaliro Kabale okwekebejjebwa ate Muhwezi akwatiddwa okuyambako Poliisi mu kunoonyereza.
