AUDIO! Laba essanyu n’amaziga, ebyavudde mu DNA ya Geosteady n’omwana bifulumye, Poliisi ezudde taata w’omwana omutuufu

Poliisi ekutte omukyala Noreen Nabweteme ku by’okuwayiriza omuyimbi Geosteady nti yamutikka olubuto namuzaalamu n’omwana.

Okuva sabiti ewedde, omukyala Nabweteme abadde agamba nti omwana gw’alina wa Geosteady, yamutikka olubuto we baali basisinkanye mu 2012, bwe yali agenze mu okulya obulamu mu kivvulu ekyali ku Freedom City, e Namasuba.

Okusinzira ku mwogezi wa Poliisi mu Kampala Patrick Onyango, Olunnaku olw’eggulo Geosteady n’omwana bagiddwako ndaga butonde (DNA) era alipoota y’abasawo eraga nti omwana siwa Geosteady.

Poliisi egamba nti DNA eraga nti omwana wa Nyanzi Mukasa Joswa era n’omukyala abadde akimanyiko.

Onyango agamba nti omukyala akwattiddwa era mu kiseera kino ali ku Poliisi y’e Katwe ku misango gy’okuwa Poliisi amawulire g’obulimba n’okwonoona erinnya ly’omuyimbi Geosteady.

Eddoboozi lya Onyango

SK OMUZINNYI