Poliisi ekutte abantu musanvu (7) ku kisaawe Entebbe n’ebiragalaragala omuli enjaga.
Abakwattiddwa kuliko Nansamba Zam Salim myaka 28, omusuubuzi mu bitundu bye Kawempe-Kulukadde, Luwemba Andrew Kwagalakwe myaka 32, omutuuze we Lugonjo Nakiwogo, Musinguzi Elly myaka 53 omutuuze we Kabojja Kyengera mu disitulikiti y’e Wakiso, Matcha Lobato Manbacar munnansi wa Burundi n’abalala.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, abakwate basangiddwa n’ebiragalaragala kilo 16 n’ekitundu.
Owoyesigyire agamba nti okunoonyereza kutandiise era ebyokwerinda ku kisaawe Entebbe byongedde okunywezebwa okukwata abantu bonna abegumbulidde okutambuza ebiragalaragala.
