Kyaddaki ssentebbe w’ekibiina kya National Resistance Movement (NRM) era omukulembeze w’eggwanga lino Yoweri Kaguta Museveni abikudde ekyama lwaki yayingira ebyobufuzi emyaka 56 egyakayita.
Museveni asobodde okweyambisa omukutu ogwa Twitter era agambye nti emu ku nsonga lwaki yayingira ebyobufuzi, kwekulwanyisa obusosoze obw’engeri zonna.
Agamba nti mu Uganda, obusosoze bw’ali busukkiridde nnyo nga kigambibwa omuntu yenna ali mu kibiina kya Democratic Party (DP), alina kuba Mukatuliki, Omukulisitayo alina kuba mu kibiina kya Uganda People’s Congress (UPC) ate Abaganda balina ekibiina kya Kabaka Yekka (KY), era okutwala obukulembeze, yalina okulwanyisa embeera eyo, “I got into politics about 56 years ago mainly to fight sectarianism and politics of identity. It was almost a given then that if you were Catholic you had to be DP, Protestants were UPC while Baganda belonged to KY party“.
