Kyagulanyi Barbie Itungo mukyala w’omubaka wa Palamenti owe Kyadondo East Robert Kyagulanyi Ssentamu (Bobi Wine) alibika munyivu olw’ebigambo ebyagambiddwa bba.
Barbie asobodde okweyambisa omukutu ogwa Instagram okugamba nti, “gwe osilikako ddi? Abako abolugambo namwe temuli bangu!”.
Ebigambo ebyo, kabonero akalaga nti waliwo abako n’abooluganda abaatabukidde Bobi Wine okwogera ennyo ku buli nsonga yonna era kirabika baamusabye akakane kuba asukkiridde okwogera ennyo.
Wabula Barbie kirabika simusanyufu n’ebigambo ebyayogeddwa era y’emu ku nsonga lwaki agambye nti, “Abako abolugambo namwe temuli bangu“.
Bobi Wine ne Ssenyonyi
Gye buvuddeko, Bobi Wine abadde ayogera nnyo eri bannamawulire ku nsonga ezenjawulo ezikwata ku kisinde kya People Power wabula ku ntandikwa y’omwezi gunno ogw’okutaano, yalonze munnamawulire Joel Ssenyonyi ng’omwogezi we ne People Power.
Okulonda Ssenyonyi, kigenda kumuyambako okusirika ku nsonga ezimu.
