Pulezidenti w’ekibiina kya Democratic Party (DP) Norbert Mao alopye omuyimbi Patrick Senyonjo amanyikiddwa nga Fresh Kid myaka 7 eri omukulembeze w’eggwanga lino Yoweri Kaguta Museveni.
Olunnaku olw’eggulo mu lukung’aana lw’omukago ogugatta ebibiina by’obufuzi mu ggwanga (IPOD) Entebe, Mao bwe yafunye omukisa okwogera ku nsonga ezenjawulo, yagambye nti kiswaza omwana omuto Fresh Kid ku myaka 7, okulaba nti Museveni afuze bubi eggwanga, “Mr. President I was surprised to hear that a 7-year-old musician called Fresh Kid complained that you have also not led him well”
Mungeri y’emu yagambye nti embeera eri mu ggwanga okukyusa sseemateeka buli lunnaku okulemesa okukyusa obukulembeze mu mirembe, y’emu ku nsonga lwaki ne Fresh Kid alaba nti Pulezidenti Museveni afuze bubi eggwanga lino.
Mu lukung’aana, ensonga y’okulemesa ab’oludda oluvuganya okukuba enkungaana y’emu kwezo ezabadde ku mwanjo era lwetabiddwamu abakulembeze abalala omuli owa UPC, Jeema n’abalala.
