Taata w’omuyimbi Fresh Kid, Paul Mutabazi amanyikiddwa nga Fresh Daddy ayolekedde okuvundira mu kkomera singa omusango gunaamukka mu vvi.
Mu kiseera kino Mutabazi alina ennyimba 2 omuli Mazike n’obucuupa era abadde afuuse ssereebu mu kisaawe ky’okuyimba.
Wabula omuyimbi amanyikiddwa nga Nyashinsk okuva mu ggwanga erya Kenya amutwala mu kkooti olw’okukoppa ekidongo ky’oluyimba lwe “Free” n’akiteeka mu luyimba “Mazike”.
Okusinziira ku tteeka erifuga ebiyiiyizibwa erya “Copy Right”, Fresh Daddy alina okwetonda kuba singa omusango gumusinga, ayolekedde okutanzibwa omudidi gwa ssente oba okusibwa emyaka egiwera.
Fresh Daddy ali mu maziga mu kiseera kino kuba yagobeddwa Kalifah Aganaga ate ne Nyashinsk amunoonya.
