Abasajja babiri (2) basindikiddwa ku Limanda mu kkomera e Luzira nga kigambibwa nti baatamiiza munnamatemba Marth Kay ne bamubbako ebintu bye omuli essimu ze bbiri (2), ssente ate oluvanyuma ne basasaanya ebifaananyi bye ng’ali bukunya.
Kigambibwa mu May, 2019 Herbert Arinaitwe 27 ne Farid Mukiibi 34 befuula abatutte Marth Kay okulya obulamu kyokka ne bakozesa omukisa ogwo okumuwa kalifoomu, okutwala ebintu bye omuli Iphone X, Samsung Galaxy S8 ne ssente emitwalo 40 n’ebintu ebirala.
Oluvanyuma nga batutte essimu zombi, Martha Kay bamusaba obukadde 10 okumuddizza ebintu bye, ssente bwe zamubula, Arinaitwe ne munne kwekusalawo okusasaanya ebifaananyi bye ku yintanenti ng’ali bukunya.
Mu kkooti, baguddwako emisango ebbiri gy’okubba essimu 2, ssente emitwalo 40, Pamiti y’okuvuga emmotoka, ATM ya bbanka kyokka emisango bagyegaanye.
Omulamuzi wa kkooti ku Buganda Road Ayo Miriam Okello kwekusalawo okubasindika ku Limanda mu kkomera e Luzira okutuusa nga 19, August, 2019.
