Abadigize okuva mu bitundu by’eggwanga eby’enjawulo bakyeyiwa mu kivvulu kya Nyege Nyege ekikyagenda mu maaso mu bitundu bye Jinja.
Ekivvulu kyatandiise ku lunnaku olwokuna nga 5, September, 2019 era kisuubirwa okukomekerezebwa olunnaku olw’enkya ku Mmande nga 9, September, 2019.
Kigambibwa ku mulundi gunno, Nyege Nyege esombodde abantu bangi ddala omuli n’okuva ebweru w’eggwanga wabula bimaama biyiisizza abavubuka endusu olw’enyambala yaabwe era bangi ku basajja balabiddwako nga basaba ennamba z’amassimu okusobola okutumbula enkolagana yabwe.
