Omulwadde abadde yaweebwa ekitanda mu ddwaaliro e Kiruddu mu divizoni y’e Makindye yesse, ekireseewo okutya eri abalwadde abalala.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, Faustine Musinzi abadde mulwadde okuva mu disistulikiti y’e Gomba abuuse okuva ku mwaliro Ogwomunaana ku ssaawa 2 ez’ekkiro ekikeseza olunaku lwa leero era olugudde wansi ku ttaka afiiriddewo.
Owoyesigyire agamba nti Poliisi etandiise okunoonyereza ekiviriddeko Musinzi okwetta wabula abamu ku balwadde mu ddwaaliro e Kiruddu bagamba nti abadde alina obulumi bungi nnyo.
Omwogezi wa Minisitule y’ebyobulamu Emmanuel Ainebyoona agambye nti Musinzi abadde mulwadde wa nsigo, sukkali n’endwadde endala era okwetta, yabadde afunyeemu olungubaguba, kwekutuula mu kaggaali ekyawadde aba famire essanyu.
Ainebyoona agamba nti omujanjabi mutabani w’omugenzi yabadde agenze kunoonya caayi era mu kiseera ekyo, Musinzi yavuze kaggaali ne yeekasuka wansi ku ttaka era amangu ddala yafiiriddewo.
Omulambo gutwaliddwa Poliisi y’e Katwe mu ggwanika ly’eddwaaliro e Mulago.
