Omuyimbi Eddy Kenzo alondeddwa okuvuganya mu Award z’omuntu akoze obulungi mu kutunda Africa mu nsi yonna n’okuba eky’okulabirako eri abantu abalala n’okusingira ddala abavubuka.
Mu Award ezimanyiddwa nga ‘Africa Youth Award’ zigendereddwamu okusiima abantu abakoze ab’enjawulo okutunda ensi zaabwe ne Africa ku myaka emito.
Mu gunno omwaka ogwa 2019, mu Africa yonna balonzemu abantu 100 era Kenzo ateekeddwa mwabo abakoze obulungi okutunda Africa nga bayita mu byamasanyu.
Kenzo okuwangula, alina okumegga abayimbi ab’enjawulo omuli Davido, Mr Eazi okuva mu Nigeria n’abalala.
Kenzo ye munnayuganda yekka afunye omukisa okuvuganya mu Award ezo era asobodde okweyambisa omukutu gwe ogwa Face Book okwebaza omutonzi okuba nti alondeddwa okuvuganya ku lwa Africa yonna, “Big Nomination, This is big guys I’m Grateful. This means alot Alhamdulillah. ALLAH the GREATEST“.
