Poliisi y’e Gulu ekutte LandLord, ku by’okufa kw’omupangisa we, abadde munnansi wa South Sudan.
Martin Kitara yakwattiddwa akawungeezi k’olunnaku olw’eggulo ku by’okufa kwa Deng Bol Bia omusirikale abadde apangisa ku nju ze ku kyalo Kanyagoga A mu ggombolola y’e Bardege.
Deng yagudde mu kabuyonjo gy’abadde akozesa akawungeezi k’olunnaku olwokutaano era nafiiramu.
Okusinzira kw’akulira Poliisi n’omuntu wa buligyo ku kitebe kya Poliisi e Gulu, Moses Ogwang, LandLord Kitara yakwattiddwa ku by’okulemererwa okuzimba kabuyonjo etuukiridde, ekivuddeko omuntu okufa.
Kitara aguddwako omusango gw’obulagajjavu.
