Kyaddaki abawagizi ba Rema Namakula batabukidde Eddy Kenzo okukomya okwekaabya n’okulaga nti yanyoleddwa nnyo olwa mukyala we okumusuulawo.
Rema ali mu kwetekateeka okwanjula bba Dr. Hamza Ssebunya mu bazadde nga 14, November, 2019 e Nabbingo ku lwa Ntebbe ate Kenzo ali bweru wa ggwanga kuba alina ebivvulu mu nsi ez’enjawulo.
Olunnaku olw’eggulo, waliwo akatambi akaafulumidde ku mutimbagano gwa Face Book nga abaana ba Kenzo okuli Aamal ne Maya bali mu maziga olw’okusubwa omukwano gwa Taata ne Maama.
Amangu ddala, Kenzo yasobodde okuteeka vidiyo ya Aamal ne Maya ku mukutu gwe ogwa Instagram, nategeeza abawagizi be nti omutima gwe gukaaba, “My heart is bleeding, but one day bye is painfu”
Wabula abamu ku bawagizi ba Rema bamutabukidde era ada_of_bolton agambye nti Kenzo yalagajjalira Rema kuba yali yetaaga omukwano gwe nga taliwo era alina okwenenya, “Eddy u neglected Rema. It’s your fault.. She needed your love you weren’t there“.
Ate zarithequeenbae17, agambye nti Kenzo yali talowooza nti Rema asobola okugenda era alina okukomya katemba, okwefuula atalina musango tekigenda kuyamba era alina okuba omusajja okulwanyisa ebizibu era amannyi eky’okukola okusinga okulumya abaana be, “I know u didn’t see dis coming️,,,,,now stop being dramatic,playing victim won’t solve a thing,,,,,be a man ,do wat u can to settle u probs….it’s never to late ,u knowbwat to do,,,,,it’s ur kids u r hating“.
Ku nsonga eyo, abirahhumairah agambye nti Kenzo okwebalama ensonga zonna y’emu ku nsonga lwaki abaana bali mu maziga mu kiseera kino, “You ignore another, you ignore your kids’ happy future life imagine she started emotional feelings at young age men you are bad…. Olekawo omukyala caring your ego but the kids honestly mulowooza muba mulumya ffe temufudde kumabujje“.
