Omukulembeze w’eggwanga lino Yoweri Kaguta Museveni alangiridde olutalo okulwanyisa abayimbi bonna abayimba ennyimba ezigendereddwamu okusasaanya obulimba n’okwawulamu bannansi.
Museveni agamba nti mu bulamu bwe ng’omukulembeze w’eggwanga, yakageenda mu konsati za mirundi esatu (3) omuli Bebe Cool, Catherine Kusasira ne Munyonyo ng’abayimbi batoongoza oluyimba lwa Tubonga Naawe.
Agamba nti abayimbi okuyimba ennyimba, kirungi nnyo mu kutumbula talenti zaabwe, okubawa emirimu n’okulakulanya ekisaawe ky’okuyimba.
Mungeri y’emu agambye nti takiriziganya n’omuyimbi eyayiimba ‘Bizeemu’ (Ronald Mayinja) kuba alinga agamba nti Gavumenti ya NRM yenyigidde mu bikolobero okulumya bannansi, “For example, I disagree with one of the singers who was saying “Bizeemu”, as if to say that this NRM government is committing crimes against its people“.
Museveni awadde abayimbi amagezi okuyimba ennyimba ezigatta abantu okusinga okusasaanya obulimba. Agamba nti Gavumenti ya Uganda ateekeddwa okukuuma abantu bonna n’ebintu byabwe mu mbeera yonna, “I advise the artists to use their talents in ways that do not sow divisions based on lies. The government of Uganda is working against all the threats and crimes against Uganda and her people“.
