Abantu 7 nafiiriddewo ate 6 bali mu mbeera mbi, nga kivudde kabenje akagudde ku luguudo oluva e Kampala okudda e Hoima.
Okusinzira ku Poliisi, akabenje kabaddewo ku ssaawa nga 10 ez’ekkiro, okumpi ne Beatrice International Secondary School, mita 400 okuva mu katawuni k’e Karajji- Masodde.
Poliisi egamba nti emmotoka ekika Tippa namba UAZ 812H eremeredde ddereeva waayo ne yevulungula enfunda eziwera era esibidde mu luwonko olutambuza amazzi.
Abamu ku bafudde kuliko Hakim Lubega, 27, Eriab Mubangizi, 32 n’abalala.
Adduumira Poliisi y’e Kyankwanzi, John Mwawule agambye nti abafudde, babadde bava Nansana mu disitulikiti y’e Wakiso nga badda mu katawuni k’e Ntwetwe mu disitulikiti y’e Kyankwanzi okusuubula mawogo.
Abafunye ebisago, batwaliddwa mu ddwaaliro e Kiboga nga bataawa nga Poliisi bwenoonyereza ebikwata kw’abo abafudde abalala.
