Poliisi y’e Kyotera ekutte abantu basatu (3) bagiyambeko mu kunoonyereza ku by’okubba kompyuta 25 ku Ssande ekkiro ku ssomero lya St. Herman Secondary School mu ggombolola y’e Lwankoni mu disitulikiti y’e Kyotera.
Abakwattiddwa kuliko metulooni w’essomero, omu ku basomesa n’omukuumi w’essomero.
Okusinzira kw’akulira abasomesa Edward Mulondo, abakwattiddwa baali ku ssomero mu kiseera nga kompyuta zibibwa era bakwattiddwa, okuyambako Poliisi mu kubuuliriza..
Wabula addumira Poliisi mu disitulikiti y’e Kyotera, Rosette Sikahwa agambye nti gunno mulundi gwakubiri ng’ababbi batwala kompyuta ku ssomero eryo era okunoonyereza kutandiise okuzuula abenyigira mu kutwala ebintu by’essomero.
