Omulamuzi wa kkooti enkulu Jane Francis Abodo ayisiza ekibaluwa kibakuntumye ku musirikale Frantile Rwamusaayi, addumira Poliisi mu bitundu bye Katwe.
Omulamuzi okutabuka, kidiridde omusirikale Rwamusaayi okugyema ogenda mu kkooti Entebbe okuwa obujjulizi ku nfa y’omuyimbi Moses Ssekibogo (Mowzey Radio).
Kigambibwa, Rwamusaayi yakulemberamu okunoonyereza ku ngeri Radio gye yattibwamu n’okulemberamu okunoonya n’okukwata Godfrey Wamala amanyikiddwa nga Troy ali ku misango gy’okutta Radio.
Mu kiseera kino oludda oluwaabi, lwakatwala mu kkooti abajjulizi 9 okuli David Ebanget (Polodyusa Washington), omukyala Pamela Musimire n’abalala, abagambibwa nti baali ku bbaala ya De Bar Entebbe, mu kiseera nga Radio akubwa, akyavaako okufa kwe nga 1, Ogwokubiri, 2018.
Wabula omulamuzi Abodo abadde asuubira Rwamusaayi mu kkooti emirundi esatu (3) nga talabikako, kwekuyisa ekibaluwa kibakuntumye, Poliisi okumukwata, atwalibwe mu kkooti okubategeeza kwebyo ebyali mu kunoonyereza.
