Poliisi mu disitulikiti y’e Buliisa ezudde emmundu eyabibwa ku Poliisi y’e Walukuba mu ggombolola y’e Butiaba.
Ababbi balumbagana Poliisi, ekkiro ky’olunnaku olwokubiri ne batwala emmundu ya Corporal Ronah Nalwenda eyasangibwa ku mulimu oluvanyuma lw’okumusinga amaanyi.
Omusirikale Nalwenda agamba nti ababbi befuula abalina obuzibu abetaaga okuyambibwa.
Okusinzira ku mwogezi wa Poliisi mu bitundu bye Albertine Julius Hakiza, emmundu esangiddwa mu nju ya Yassin Oyirwoth myaka 20 era amangu ddala akwattiddwa, natwalibwa ku Poliisi y’e Walukuba ku misango gy’okubba emmundu.
