Omuyimbi Douglas Mayanja amanyikiddwa nga Weasel Manizo avuddemu omwasi oluvanyuma lwa kkooti enkulu etuula Entebbe okuwa Godfrey Wamala amanyiddwa nga Troy ekibonerezo.
Troy abadde ku musango gy’okutta eyali omuyimbi nnakinku Mowzey Radio era eyali mukwano gwa Weasel.
Enkya ya leero, Omulamuzi Jane Frances Abodo, asalidde Troy okusibwa emyaka 14 lwa kutta Radio mu butanwa.
Mu kkooti, omulamuzi Abodo agambye nti Troy teyalina kigendererwa kya kutta Radio ne wankubadde yafa olw’ebisago ebyamutuusibwako mu kulwanagana mu bbaala ya De-Bar e Ntebe.
Ku myaka 14, omulamuzi alagidde Troy okusibwa emyaka 13, emyezi 3 n’ennaku 4 egisigaddeyo kuba akulungudde mu kkomera e Kigo omwaka gumu (1), emyezi 8 n’ennaku 26.
Wabula Weasel agambye nti okusiba Troy emyaka 14 kirungi nnyo kuba kigenda kuyamba nnyo okusomesa abantu abalala nti sikyabuntu okulwanira mu bbaala n’okutta abantu abalala, “This will help several other people learn that it is not normal to fight within bars and kill other people“.
