Abawagizi b’omuyimbi Eddy Kenzo bayingidde mu nsonga ze, okumunoonyeza omukyala omutuufu okudda mu bigere bya Rema Namakula.
Kenzo bwe yabadde ku NTV sabiti eno ku Lwokutaano, yagambye nti anoonya omukyala nga balina ebintu bye bafanaganya, ebirubirirwa, omukyala omulungi mu mbeera zonna n’ebisanyizo abalala.
Abamu ku bawagizi ba Kenzo bagamba nti mu Uganda, omuyimbi Lydia Jazmine y’omu ku bakyala abagwanidde okudda mu bigere bya Rema kuba naye mukyala alabika bulungi nnyo.
Wabula William Kashamba KacwanoJr omu ku bawagizi ba Kenzo asabye Pulezidenti w’eggwanga Yoweri Kaguta Museveni okuyingira mu nsonga, Kenzo asobole okuwasa muyimbi munne Jennifer Nakanguubi amanyikiddwa nga Full Figure kuba balina ebintu bingi nnyo bye bafaanaganya, “President M7 ensonga aziyingiremu Kenzo awase full figure banange weyayu“.
