Kyaddaki Dr. Sebunya Hamzah naye avuddeyo ku nsonga ya Eddy Kenzo okwesuunga okumuyita ku mukolo, Rema Namakula kw’agenda okumwanjulira mu bazadde nga 14, November, 2019 e Nabbingo ku lwe Masaka.
Sabiti ewedde ku Lwokuna, Kenzo bwe yali ayogerako eri bannamawulire ku Mestil Hotel e Nsambya, Kampala, yategeeza nti ye mwetegefu okugenda ku mukolo gwa mukwano gwe Rema singa naafuna kaadi mu mutima omulungi.
Wabula Dr. Hamzah asobodde okweyambisa omukutu ogwa Face Book okutegeeza nti Rema y’omu ku bakyala abazira mu Uganda.
Agamba nti Rema okuwangala emyaka 5 mu bufumbo bwa Kenzo tekyali kyangu kuba Kenzo musajja simwangu.
Dr. Hamzah agamba nti tasobola kuyita mulenzi ku mukolo gwe ogw’okwanjula kuba akola ebintu eby’ekiralu, “Rema Namakula Your a Hero. staying with this confused man for 5 Years it was not easy .now I know what you went through even reaching to an extent of making a bold decision.of moving on! Guys how can I even invite this young boy to my Introduction ceremony. With this level of madness. Musomese Abaana. Doctor Neyogedde Okunyiga“.
Wadde ku Face Book Dr Hamzah alaga nti alina omukwano mungi nnyo ku Rema kyokka tekimanyiddwa oba ye bba wa Rema amanyikiddwa gw’agenda okutwala mu bazadde nga 14, November, 2019.
