Omukulembeze w’eggwanga erya Rwanda Paul Kagame akoze enkyukakyuka mu kitongole eky’amaggye bw’alonze Gen Jean-Bosco Kazura ng’omuduumizi w’amaggye.
Okusinzira ku kiwandiiko ekivudde mu kitongole kya maggye ekya Rwanda Defence Forces, abakulu 17 bakyusiddwa mu nkyukakyuka ezikoleddwa.
Mu nkyukakyuka, omuduumizi w’amaggye omuggya, alinyisiddwa amadaala okuva ku Major General okudda ku General era abuusiddwa eddaala erya Lieutenant General.
Abadde omuduumizi w’amaggye Gen Patrick Nyamvumba alondeddwa nga Minisita w’ensonga z’omunda mu ggwanga ate Minisita w’ensonga z’ebweru w’eggwanga Dr Richard Sezibera agobeddwa naasikizibwa Dr Vincent Biruta.
