Abavubuka bakedde kugumba ku kitebe kya Vision group ne bategeeza nti waliwo illuminati eyabasuubiza okubawa ssente nga akubisaamu zolina emirundi 5!
Abavubuka bavudde mu bitundu by’eggwanga ebyenjawulo nga bagamba nti Pulezidenti wa ‘illuminati’ mu Uganda Kamadah Mulyowa yabadde abasuubiza okukola ku nsonga zaabwe omuli okubawa ensimbi obukadde obusukka mu 5.
Babadde balemeddeko obutaseguka okutuusa nga bafunye ssente kuba bakooye embeera embi kyokka oluvanyuma Poliisi ebagumbuludde n’amasasi mu bbanga.
Wadde Poliisi egezezaako okweyambisa amasasi mu bbanga okubagumbulula, abamu balemeddeko nga bagamba nti bakooye embeera embi era balina okulinda Pulezidenti wa ‘illuminati’.
Oluvanyuma akulira kampuni ya Vision Group, Robert Kabushenga yetondedde abantu era abasabye okudda awaka kuba tewali muntu ‘illuminati’ agenda kubawa ssente.
