Gavumenti ya Uganda ewadde Ssaabasajja Kabaka Ronald Muwenda Mutebi II omudaali okumusiima olw’okutakabanira okutumbula embeera z’abantu.
Era ewadde Ssekabaka Edward Muteesa II omudaali olw’okulwanirira Uganda okufuna obwetwaze ku mukolo ogw’okujjukira nga bwegiweze emyaka 50 bukya Ssekabaka Muteesa II akisa mukono. Omukolo gubadde ku Sheraton Kampala Hotel.
Gavumenti yeetemye okuddiza Buganda emmotoka Ssekabaka Muteesa II mweyatambuliranga ey’ekika kya Rolls Royce ekuumibwa mu Uganda Museum mu kiseera kino.
Katikkiro Charles Peter Mayiga asabye abantu ba Uganda ku buli mutendera okunyweza obumu kisobozese okutwala enkulaakulana mu maaso.
Ate Pulezidenyi Yoweri Kaguta Museveni awadde obukadde 300 ziyambeko mu kumaliriza omulimu gw’okuddaabiriza Amasiro g’e Kasubi.
