Poliisi mu Kampala ekutte abantu mukaaga (6) ku by’okubba bodaboda mu bitundu bya Kampala eby’enjawulo.
Okusinzira kw’amyuka omwogezi wa Poliisi mu Kampala n’emirirwano Luke Oweyesigyire, mu kikwekweeto ekyakoleddwa Poliisi ya Flying Squad, pikipiki ezisukka 20 zakwatiddwa.
Abakwate kuliko Assumani Sitakage, Daus Muhagizi, Ssegirinya Haby, Muwesi Ismail, Faruak Ssekyedu ne Kawuki Gibson nga bagiddwa mu Kisenyi ku luguudo lwa Ring Road.
Oweyesigyire agamba nti abakwate bali ku kitebe kya Poliisi mu Kampala ekya CPS ku misango gy’okusangibwa n’ebintu ebibbe.
