Kyaddaki abakugu mu kusoma endowooza z’abantu bavuddeyo ku nsonga lwaki Eddy Kenzo ayinza okutuukiriza eky’okutunda amakaage e Sseguku ku lwe Ntebbe.
Kenzo yayiseeko mu nnyumba eno ku Ssande n’asanga ng’ebintu bingi Rema Namakula yabitwala na ddala ebyo ebyali ebibye okuggyako entebe.
Rema eyafumbirwa Dr. Hamza Sebunya, oluvanyuma lwa Kenzo okumuleka mu nnyumba eno emyaka ebiri.
Wabula Kenzo bwe yalambudde amaka, yagambye nti alina ebirowoozo bingi nnyo buli lwayingira enju.
Ku nsonga eyo, Dr Meddie omukugu mu kusoma endowooza z’abantu agambye nti, “Kenzo alina ebirowoozo bingi nnyo era abantu nga ye betaaga abantu abayinza okumubudabuda kuba ebiriwo biraga nti Rema yali akyamwagala mu bulamu bwe. Ate waliwo ebyogerwa nti Rema ali lubuto lwa Hamzah nga yalufunira mu nju ya Kenzo e sseguku, akabonero akalaga nti enju ye abadde loogi wakati wa Rema ne Hamzah“.
Mungeri y’emu Dr Meddie agambye nti, “ng’omusajja omulala yenna, Kenzo alina firingi n’obusungu, okuyingira mu kisenge, mukazi wo mwabadde akolera obwenzi n’omusajja omulala ate namukutwalako, bw’oba olina obusoobozi nga Kenzo, enju ogitunda ne kikuyamba okwejjako ebirowoozo bya Rema buli kaseera“.
Kenzo yategeeza nga enju bwe yagigula obukadde 500 naye ng’essaawa eno abalirirwamu ssente ezigenda mu kawumbi kamu.
