Omuyimbi Eddy Kenzo, Pulezidenti wa bu love niga ssemyekozo ayogedde amazima ku bikwata ku nju ye esangibwa e Sseguku ku lwe Ntebbe.
Okuva sabiti ewedde, ebigambo bibadde byogerwa nti ggoloofa agitunda kuba tasobola kugibeeramu oluvanyuma lwa Rema Namakula okugeenda ate alina ebirowoozo eby’enjawulo buli lwayingira mu makaage.
Wabula Kenzo bw’abadde awayamu naffe e Munyonyo ng’akwata vidiyo y’oluyimba lwe ssemyekozo, agambye nti, “Sseguku sigenda kutundayo, sseguku nja kugipangisa bwe naaba njagadde oba nja kugiwa abaana bange aba Academy basulengamu“.
Kenzo alina Big Talent Soccer Academy eya baana abalina talenti y’okusamba omupiira era agamba nti agenda kubawa ggoloofa y’e Sseguku okugisulamu kuba tasobola kugitunda.
Ebigambo bibadde byogerwa nti Kenzo anoonya muguzi wa nju y’e Sseguku kuba Rema amubanja bukadde bwa ssente bwe yamuwa bwe yali agigula obukadde 500.
