Bya Nalule Aminah
Entiisa n’ekiyongobero bibuutikidde abatuuze b’e Mukono okumpi ne yunivasite ya UCU, omu ku bawala bw’afudde mu ngeri etabudde abatuuze.
Afudde ye Jane Hankinga myaka 17 nga yava Budaka okujja e Mukono okuyiga okusiba enviiri ate mukwano gwe Mariam Namirembe atwaliddwa mu ddwaaliro lya Mukono International Medical Centre ng’ali mu mbeera mbi ng’ataawa.
Amyuka omwogezi wa poliisi mu Kampala n’emiriraano, Luke Owoyesigyire, Hankinga ne Namirembe babadde balina Ssaluuni kyokka ku ssaawa 4 ez’okumakya abatuuze bawaliriziddwa okugimenya nga bayambibwako Poliisi olw’abakozi obutaggulawo.
Abbi Haumba, nannyini Ssaluuni Poliisi emukutte agiyambeko mu kunoonyereza.
Okusinzira ku Poliisi, bandiba nga bano baalidde butwa era emmere gye baliddeko ekkiro etwaliddwa okugyekebejja.
Owoyesigyire agambye nti omulambo gwa Nakirya gutwaliddwa mu ggwanika ly’edwaliro e Mulago okwongera okwekebejjebwa n’okuzuula ekivuddeko mukwano gwe okufa.
