Okutya kweyongedde mu bawagizi b’omuyimbi Eddy Kenzo nti ayinza okuwasa omukyala omukadde ate nga simulungi okudda mu bigere bya Rema Namakula.
Mu kiseera kino Kenzo ali ku lukalala lwa banoonya oluvanyuma lwa Rema okufuna omusajja omulala Dr. Hamzah Ssebunya olwa Kenzo okwebuzabuza ku nsonga z’omu kisenge.
Olunnaku olw’eggulo, twagudde ku kifaananyi nga Kenzo ali n’omukyala omulala mu ssannyu, ng’amukutteko ku mukono mu ngeri y’okulaga ensi nti azudde omuntu omutuufu.
Wabula abawagizi be omuli Nankya Aidah ne Poshy Poshy bagamba nti bwe kiba kituufu Kenzo alina mu laavu n’omukyala oyo, aswadde nnyo kuba kiraga nti omukyala mukulu nnyo ku Kenzo ate Rema amusinga obulungi.
Nankya Aidah agamba nti, “Hmmm I can’t compare this woman to Rema coz Rema she so beautiful than her, bekirumye munansonyi naye Kenzo tula wansi osearchinge omukazi Ali more than rema“.
Ate Poshy Poshy agamba nti, “U mean buligyo omukadde gwolinda ffe ba team Rema tuli eno tuziina kano eno mbaga ebisigadde gvt weyayu“.
Ku ntandikwa y’omwaka 2020, Kenzo yalangiridde nti alina okulaga ensi mukyala we alina okudda mu bigere bya Rema kyokka alina okuba sereebu kuba obulamu bwe, butambulira mu layini eyo.
Mu kiseera kino, bangi ku bannansi balindiridde Kenzo okulaga ensi mukyala we ssaako ne Rema okulindirira okulaba omukyala agwanidde okudda mu bigere bye.
