Kkooti y’amaggye e Makindye eriko abasajja basatu (3) besindise mu kkomera olw’okusangibwa n’ebyambalo by’amaggye emigogo musanvu (7) n’ebyokulwanyisa omuli emmundu n’amasasi mu ngeri emenya amateeka.
Banno Adam Sserwanga 34, Alex Kalule 37, ne Awazi Bagole 42.
Okusinzira ku ludda oluwaabi, emisango kigambibwa nti baagizza nga 3, May, 2019 e Kireka mu munisipaali y’e Kira nga baasangibwa n’emmundu ssaako n’ebyambalo by’amaggye nga si bajaasi.
Amasasi gaali 18, emmundu kyokka ne balemwa okunyonyola engeri gye bazifunamu.
Ssentebbe wa kkooti, Lt Gen Andrew Gutti yalagidde bonna 3 batwalibwe mu kkomera e Luzira okutuusa nga 25, February, 2020 okudda mu kkooti okuddamu okuwuliriza emisango gyabwe.
Mu kkooti, bonna 3 begaanye emisango ekiwaliriza kkooti okubasindika e Luzira.
Kifaananyi kya Bukedde
