Poliisi ekutte abantu 5 ku by’okutta Mwesigye Alex myaka 40 abadde omutuuze ku kyalo Mushenyi mu ggombolola y’e Buyanja mu disitulikiti y’e Rukungiri.

Omulambo gwa Mwesigye gwazuuliddwa akawungeezi k’olunnaku olw’eggulo okumpi n’amaka g’omutuuze Akankwasa Richard mu ku batuuze ku kyalo ekyo.

Omulambo gwasangiddwako ebiwundu ku mutwe ssaako n’ebitundu by’ekyama ng’ensigo bazabiza.

Okusinzira ku mwogezi wa Poliisi mu bitundu bye Kigezi, Elly Maate, Poliisi ekutte abantu 4 okuli Akankwasa Richard, Akankwasa Stephen, Karazarwe John Bosco, Kwikiriza Edwin ne Tumushabe Ruth, bagiyambeko mu kunoonyereza.

Maate agamba nti mu kiseera kino, 5 abakwattiddwa bali ku misango gya butemu ate gwo omulambo gukyali mu ggwanika ly’eddwaaliro e Rwakabengo, okwekebejjebwa.