Omuyimbi Bebe Cool ovuddeyo okunoonya abawala abawagizi be abaakubiddwa obuccupa mu kivvulu kya Cindy mu kiro ekikeseza olwaleero ku Ssande.
Mu konsati ya Cindy ‘Boom Party concert’ e Lugogo Cricket Oval , Bebe Cool akubiddwa obuccupa ng’ali ku siteegi omubadde amazzi n’omusulo kyokka tavudde ku siteegi wabula okuyimbira abawagizi be.
Bebe Cool wadde akubiddwa, waliwo n’abawagizi be abakubiddwa obuccupa bw’amazzi ne ccupa ya ssooda olw’okuwagira Bebe Cool ng’ali ku siteegi era omu ku bawala afunye enkufu mu kyenyi.
Abawagizi abakubiddwa bagamba nti wadde bakubiddwa, Bebe Cool ye muyimbi wabwe era basabye bannayuganda okweddako, buli omu okuwagira omuntu we nga temuli kulwanagana.
Bebe Cool asobodde okweyambisa omukutu ogwa Face Book, okusaba abawagizi be okutegeeza abawala abakubiddwa nti abanoonya kuba betaaga obuyambi era agambye nti, “Morning my fans,pliz whoever can get me the number to these fans of mine, most especially the lady who was hit with a bottle, kindly send it to +256700135247 or if u know her,pliz ask her to call on that line.”
