Abawagizi b’omuyimbi Grenade official bamutabukidde era bamusabye okuvaayo okutegeeza eggwanga lwaki yegumbulidde okwagala abakyala abakadde
Grenade y’omu ku bayimbi abaludde mu mawulire ku by’okwagala abakyala abakadde, ng’abamusinga obukulu, ssente, obuganzi n’okutegeera ensonga z’omu kisenge.
Omwaka oguwedde, amawulire gaafuluma nti Grenade yali mu laavu ne Namwandu w’omugenzi omuyimbi AK47 Nnalongo Maggie Kiweesi oluvanyuma lw’okukyawa Vivian Angella Chebet mukyala wa SK Mbuga.
Nga tumalako omwaka oguwedde ogwa 2019, abakyala bombi okuli Maggie ne Vivian begaana ekya Grenade okubaganza era bategeeza nti yali anoonya mawulire.
Olunnaku olw’eggulo ku Lwokusatu, abawagizi ba Zari Hassan beewunyizza okulaba vidiyo ng’omuntu waabwe ng’ali ne Grenade.
Kigambibwa nti Zari ne Grenade baabadde ku swanky resort okulya obulamu ng’omulenzi alaga nti ddala oluyimba lwe ‘Nkuloga’ lutukiridde mu bulamu bwe.
Vidiyo nga bali bombi, etabudde abawagizi ba Grenade era omu ku muwagizi be ategerekeseeko erya ‘Bunkums’ asabye omuyimbi we okunyonyola ekimwagaza abakyala abakadde, “Wt do you want from the old ladies“.
Vidiyo
https://www.instagram.com/p/B9lYQgFBEdA/
