Pulezidenti wa Uganda Yoweri Kaguta Museveni akoze enkyukakyuka mu kitongole ekisolooza emisolo mu ggwanga ekya Uganda Revenue Authority (URA).
Pulezidenti Museveni agamba nti ng’akozesa obuyinzi obumuweebwa mu Ssemateeka wa Uganda, alonze John Musinguzi Rujoki okudda mu bigere bya Doris Akol ne Dr Michael Atingi-Ego okumyuka Gavana wa Bank of Uganda.
Agamba nti enkyukakyuka zikolebwe mu bwangu era amannya ga Musinguzi ne Dr Michael Atingi gasindikiddwa eri Palamenti okusunsulwa, “By virtue of powers granted to me by the Constitution, I have appointed Mr John Musinguzi Rujoki as the new Commissioner General of Uganda Revenue Authority. This appointment takes immediate effect. I have also appointed Dr Michael Atingi-Ego as the new Deputy Governor, Bank of Uganda. I have forwarded his name to Parliament for vetting“.
Akol myaka 50 yalondebwa okudda mu bigere bya Allen Kagina nga ssenkulu wa URA ku Mmande nga 27 October 2014.
Akol yeyali akulira ebyamateeka mu kitongole kya URA okumala emyaka egiwereko.
Sabiti ewedde James Kahooza memba ku lukiiko lwa Bank of Uganda yalonda Adam Mugume okudda mu bigere bya Dr. Louis Kasekende ow’akaseera kubigambibwa nti Gavana Emmanuel Mutebile ali mu luwumula kuba mulwadde.
Dr Michael Atingo-Ego yaliko ssenkulu w’ekitongole ekinoonyereza mu Bank of Uganda oluvanyuma yegatta ku kitongole ky’ensi yonna ekiwola ssente International Monetary Fund (IMF).
Dr. Kasekende kontulakiti ye yagwako mu Janwali wa 2020.
