Oluvanyuma lwa Corona Virus okutuuka mu Uganda, abayimbi ab’enjawulo bavuddeyo okweyambisa talenti zaabwe okuwa bannayuganda amawulire ku ngeri y’okwekuuma.
Bobi Wine ne munne Nubian Li be basooka okuvaayo okufulumya oluyimba kyokka mu kiseera kino, abayimbi ab’enjawulo bavuddeyo omuli Bebe Cool, A Pass, Fresh Kid, Spice Daina, Fik Fameica n’abalala bangi nnyo nga bonna bawa bannayuganda amawulire ku ngeri y’okwekuuma.
Wosomera bino ng’omuyimbi omuto Bakkabulindi Steven amanyikiddwa nga Remy Soda naye afulumiza oluyimba lwa Corona Virus, “CORONA VIRUS GO”.
Remy alina ennyimba ez’enjawulo omuli Ggwe Ssooda, Oli Muggo n’endala ezimufudde ow’enjawulo ku bayimbi abato mu kiseera kino.
