Gavumenti mu ggwanga erya Somalia eweze abantu okuddamu okuwuga ku ‘Lido beach’ mu kibuga Mogadishu.
Mu kibuga Mogadishu, Lido y’emu ku Beach ezibeerako abantu abangi kyokka Gavumenti egamba nti abantu okuwuga, kiyinza okuvaako CoronaVirus okusasaana mu ggwanga lyonna.
Hotero ku Beach ssaako n’abakozi balabuddwa okukuuma obuyonjo n’okusingira ddala nga bafumbira abantu emmere, okwetangira obulwadde ssaako n’okuteekawo ekifo, abantu bonna okunaaba mu ngalo nga bayingira.
Lido beach ebadde esinga kubaako abadigize akawungeezi nga baagala okuwuga ssaako ne wikendi.
Wabula abadigize balidde obuwuka nga bagamba nti Gavumenti egendereddwamu kubalemesa kulya bulamu.
Mu kiseera kino Somalia erina abalwadde basatu (3) kyokka waliwo okutya nti singa obulwadde bwa Covid-19 bweyongera mu ggwanga, abantu bangi bayinza okufa.
