Kyaddaki omukyala Doris Akol abadde ssenkulu w’ekitongole ekisorooza emisolo ki Uganda Revenue Authority (URA) awaddeyo offiisi eri Ssenkulu omuggya John R Musinguzi.
Musinguzi ye Ssenkulu owo mukaaga (6) mu kitongole kya URA.
Omukulembeze w’eggwanmga Yoweri Kaguta Museveni John yalonda Musinguzi sabiti ewedde ku Ssande.
Musinguzi, abadde muwabuzi wa Pulezidenti Museveni ku nsonga za tekinologiya ng’alina ofiisi okumpi ne Palamenti. Ye ssentebe w’olukiiko olufuzi olw’ekitongole kya National Information Technology Authority-Uganda (NITA-U) ekivunaanyibwa ku kulondoola ebya tekinologiya era yaloondebwa mu August 2019.
Mungeri y’emu Musinguzi yakolako mu URA mu kitongole ekirwanyisa okukusa ebyamaguzi ekya ‘Special Revenue Protection Services’ nga ye yali avunaanyizibwa ku byensimbi.
Mu kiseera kino alina ddiguli mu kubala okuva e Makerere ne ddiguli eyookubiri mu byakompyuta okuva mu University of Greenwic.
Akol yalondebwa okukulira URA nga October 27, 2014 okudda mu bigere bya Allen Kagina kati akulira ekitongole ky’ebyenguudo ekya Uganda National Roads Authority (UNRA).
