Ekitongole ekikuuma ddembe ekya maggye ga UPDF, kitandiise okunoonyereza abantu abefuula abasirikale mu kitongole kyabwe ne baggya ku bantu ssente mu kiseera kya Kafyu.
UPDF okuvaayo, kidiridde James Elegu abadde yefuula omusirikale okukwatibwa mu disitulikiti y’e Serere.
Elegu yasangiddwa ng’anekanekanye mu kyambalo ky’amaggye okugyako abantu ssente mu kiseera kya Kafyu okubakiriza okudda awaka.
Mu kukwatibwa, yasangiddwa n’ebyambalo by’amaggye 6 ne ssente enkalu, obukadde 3.9 (3,900,000).
Okusinzira ku RDC Serere, Geoffrey Okiswa, Elegu abadde akola ne mukwano gwe John Oryada, aliira ku nsiko mu kiseera kino.
Mungeri y’emu agambye nti Elegu mu kwewozaako, agambye nti yaliko munnamaggye ate Oryada y’omu ku basirikale abali mu kutendekebwa ku ttendekero lye Lugazi.
Wabula omwogezi w’amaggye ow’ekibinja eky’okusatu Maj. Peter Mugisa, agambye nti okunoonyereza kutandikiddewo era Elegu wakutwalibwa mu kkooti essaawa yonna.
