Bannayuganda babiri (2) abayimbi okuva mu disitulikiti y’e Pader bali mu mbeera mbi mu ggwanga erya Bungereza mu kibuga London oluvanyuma lw’okufuna ekirwadde kya Covid-19 ekisasaanyizibwa akawuka ka Coronavirus.
Bano okuli Jennifer Lawala ne Roselyn Storms Otim baafunye ekirwadde sabiti ewedde.
Lawala bw’abadde awayamu naffe akawungeezi ka leero ku Mmande ku mukutu ogwa WhatsApp agambye nti yabadde mu Intensive Care Unit (ICU) wabula yagiddwayo ng’afunyemu olungubanguba.
Mungeri y’emu agambye nti ne mutabani we Oscar Acellam naye ali mu ddwaaliro oluvanyuma lw’okulwala sabiti ewedde.
Lawala ye Nnamwandu w’omugenzi Dr. Labeja Acellam eyali omusawo mu Lewisham e Bungereza eyafudde Corona Virus gyebuvuddeko.
Lawala ne Otim bonna Bacholi abaddukira mu ggwanga erya Bungereza mu myaka gye 2,000 mu biseera bya ddukaduka ebya Lord`s Resistance Army-LRA ebya Joseph Kony.
Mu kiseera kino, Bungereza erina abalwadde 51,608 ate 5,373 bebaakafa, Uganda erina abalwadde 52.
Eddoboozi lya Lawala omu ku balwadde
