Abakulembeze mu Monisipaali y’e Ntebbe mu disitulikiti y’e Wakiso basabye abalwadde abetaaga ogenda mu ddwaaliro, okunoonya ssente z’amafuta okuteeka mu mmotoka ezigenda okubatambuza.
Okusinzira kw’amyuka RDC we Ntebbe Hajji Njuki Mbabali, baafunye emmotoka 5 ekika kya Toyota Land Cruiser akawungeezi k’olunnaku olw’eggulo ku Mmande nga betaaga amafuta okutambuza abantu abali mu mbeera mbi.
Hajji Mbabali agamba nti emmotoka zavudde mu Minisitule y’ebyentambula kyokka mu kiseera kino tebannafuna wadde 100 okuva mu Minisitule y’ebyensimbi wadde Gavumenti ez’ebitundu, okutambuza abantu ku bwereere.
Agamba nti mu kiseera kino, buli mulwadde alina okufunayo akasente ak’amafuta, okumutambuza okumutwala mu ddwaaliro okusinga okusasaanya ssente empitirivu okupangisa emmotoka.
Mungeri y’emu agambye nti buli mmotoka agenda kutekamu omusirikale, okulemesa ba ddereeva okweyambisa emmotoka mirimu gyabwe.
